Ik wil wel mit die goan 

De zunne schient, t gras is gruin,   en doe bist mooi, ik huif nait wat,

mor k wil wel mit die oet

De boer verkoopt zien vis omreden hij visboer is, ik huif nait wat

zol 'k aine veur die kopen?

          Goa mit mie mit, den goan wie n ijsco kopen

          wie kinnen wel op mien fietse, wie kinnen wel op mien fietse

          k wil aans ook wel mit die lopen  

Buurvrauw zingt heur hoogste laid , hoger kin ze zeker nait

ik wil wel mit heur zingen  

Klain potje brult van moord en braand, as ain zien liefke vult

is niks meer aan de haand

               Goa mit mie mit.......

     De wereld is zo gek nog nait, as wie ons mor gedroagen

    der is genog veur elk en ain, mor zolst der nait om vroagen.

 

                                   tekst & muziek: Bernard Meulman

----------------------------------------------------------------------------------------------------------------------------------------------------------------------------------------------- 

INGEBED 

Op een morn  wui ik wakker, dus ik lag nog in mien bed,

ik had toun een gewoorworden, dei een mens mor zelden het;

    Ik lag ingebed, in mien aigen bed,

    in mien aigen huus, zoas vrouger thuus.

Of t nou regende of stormde, of t vroor da't kroakte

dat deerde o's nait, want wie waren ja thuus

     Ik lag.........

Woar ko'j nou vaaileger  wezen:

as vrouger thuus.....

                          tekst: Maria Mencke / muziek: Bernard Meulman

_______________________________________________________________________________________________

      MET EEN GEVUIL……                      

Ik wait nait wat dat veur gevuil is

Mor het zit mij wel overal in

O, ik heb dat nou al, mien huile leven.

Ik heb zoveul gedachte, zunder ende of begun

Die as flarden aan mij veurbijgieden

Zunder te wachten.

 

       Ol Eel heurt bij het lven

       Zoas de zun en de moan

       Der zunder kan nait, ook al was t mor huil even

      Ol Eel doar kom ik vandoan en raist altied overal met

      En gevuil…. vuil…vol….veul mooie gedachten.

 

De lucht vol swaarde kraaien

Die strieken pas ’s oavends neer bij doolhof vol bochten van begun tot ende

Die schetterende vogels geven De Braak een aigen sfeer

Aan een plek die ik as kind

Al zo goud kende.

    

       Doar was ook nog een viever

       Met vrouwenbeeld langs wotterkaant

      Zij spaigelde heur klaid tot daip in het wotter

      Uit Eeldes oudste eeuwen staat zij nou ontheufd bezied

      Met een gevuil…vuil…vol…veul mooie gedachten.

 

Een proeftoen vol bonte kleuren

Met wotter as achterlaand

En Wolfhörn een holten schoul vol onbekenden

Vosbargen en Lemferdinge, wij plukten het gele brem

Het was een plek die ik as kind

Al zo goud kende.

 

        Doar waren hoge baargen,

        een hoes woar gain mens ooit kwam

        Het spookte rondom… tot loat in de oavend.

       Uit Eeldes oudste eeuwen staat De Dunen nou nij vaarfd

       Met een gevuil…vuil….vol….veul mooie gedachten

 

De kroegen heuren bij Eelde

Van  Makken tot aan Rowaan

Elk kende ze van Eelde begun tot aan t ende

Die Eelder cafegies gaven het dörp een aigen sfeer

Aan een plek die menegain… zo goud kende

 

        Doar was een open stee nog

        Noast kerk met n golden hoan

        Die draaide op de wind en t wrd moar loater                  

       Uit Eeldes oudste Eeuwen is toen n museum vol kunst ontstoan  tekst: Binie Bos-Harms)

       Met een gevuil….vuil…vol…veul mooie gedachten.

                                                                                        (muziek: Jo Nesboe (Di Derre)

                                                                                         tekst: Binie Bos-Harms)

           MIEN JEHANN

Ik wol wie waren nog klain, Jehann,
Dou was ons wereld groot 
wie zaten op dij stain ,Jehann,
Waist nog bie naobers' sloot.
En boven ons glee trankiel de maon .
Wie zagen dat e dat dee 
en pruiten wat is de hemel hoog 
Met steerns bie de vleet

 

Waist nog ,hou stil dat was, Jehann,

Gain bewegen in blad an boom 
Zo is dat nou nait meer ,Jehann,
Dij kaalmte, stil  en loom 
Och man zo as de scheper zong,
Allain in t wiede veld 
nait waor, Jehann ,zo'n mooie toon
in klanken wat hai vertelt.

 

En sums in de schemertied,
Den krieg 'k n zwoar gemoud.
Den lopen  rillens mie over rug 
bie sloot nog saomen .....zo goud.
Den draai ik mie hail haosteg om 
As was ik nait allain 
Maor ales wat ik vind , Jehann : 
Miezulf en aans gainain.......
                                          Origineel: Klaus Groth ( 1819-1899 )
                                                      Ned. Tekst: Binie Bos-Harms – 7-3-2016

Oagje Nijsgier

Oagje Nijsgier is n kwebbel,
wait van elkenain wel wat,
mor of t alemoal wel woar is,
dat roust Oagje nait aan t gat.
2x

Oagje zit te koekeloeren,
luustert dat heur niks ontgaait,
t is toch schane as der nijs is
en ons Oagje heurt dat nait.
2x

Mit heur oogkes haalf op gliefkes,
dut z’of heurt zai niks of naks,
mor holt ales ien de goaten,
dat heur niks ontgoan zel straks.
2x

Oagje is n proatjeboksem,
zegt zulf dat zai t nijsblad is,
dat zai geern mond veuraan het,
en wat is doar aal aan mis?
2x

Oagje is nait te vertraauwen,
Oagje is n revelkoar,
van aal proatjes dij zai rondstreut,
doar is haalfschaaid nait van woar.
2x

Oagje Nijsgier is n kwebbel,
steukelt aldernoaste groag,
eerdoags komt z’heurzulf ientegen,
of is t mörn, of vandoag.
2x

Mit heur oogkes haalf op gliefkes,
dut z’of heurt zai niks of naks,
mor holt ales ien de goaten,
dat heur niks ontgoan zel straks.
2x
                                                                                 

 

                                                                                T: Annie van Dijken-Hooghuis
                                                                                M: Jan Luiken Bos / Bernard Meulman

__

     OPA DUT N DUTJE

Opa dut n dutje...., hai ligt mit zien heufd onder t Nijsbad van t Noorden

      Zun schient noar binnen, op opa zien boezeroen

      kat ligt te spinnen, straks gait d'ol boas weer aan t waark in toen.

Opa dut n dutje......hai let zok deur niks en gaiaine nou steuren

       Oma klopt t klaidje, moakt d'ofwas hail rusteg an zied

       nuuntjet een laidje, zai het aal doagen ja zat an tied.

Opa dut n dutje......straks is hai wakker en schoefelt noar toen

        Zun schient noar binnen, d'ol klok tikt de tied gestoag

        kat ligt te spinnen, alles is vredeg en goud vandoag!

 

                                                 tekst: Jan Luiken Bos / muziek: Thomas Kjellerup

 Onderstaand: de originele tekst van Thomas Kjellerup

Bedstefar sover.

Bedstefar sover.
Han ligger og gemmer sig
bag sig avis.:
Solen den skinner
på bedstefars lade nu.
Missen den spinder,
alle er mætte og glade nu.

Bedstefar sover.
Bedstemor vasker
tallerk´ner og krus.:
Solen den skinner
på bedstefars bedste ko.
Missen den spinder,
bedstefars stue er varm og go´.

Bedstefar sover.
Snart skal han op
og i marken igen.:
Solen den skinner
på bedstefars gamle bil.
Missen den spinder,
bedstefar ta´r sig et
middagshvil.

__________________________________________________________________________________________________

          

                                     OP DE GRENS

                                  ( tekst & muziek: Jan Luiken Bos)

 

Goa je op n vrije dag ais even noar de stad

Dan heur je doar een hail prachteg plat

Ze mait en ze dait, doar rond Grode Maark

t  verschil met het Drents dat maark je doar

 

                                  Op de grens, op de grens

                                   ik woon op de grens;

                                   ik woon op de grens van het Grunnings en Drens;

                                   ik hoop wat a’k zing is wel noar je zin

                                   mor mien toal die zit der net tussen in !!!

Mien schoonzus dij komt oet t Dunderboerveld

doar is t met de toal hail anders gesteld

Doar zeggen ze gain vaier, mor proat ze over : veer

en een kind nuimen ze: "het" en aal zuks wat meer.

 

Soms zing ik in Eelde of is t Potterwol

Ook dat moakt niks oet of vin ie soms wal?

In t Zuudend,op Schelfhorst of in Vennerstroat

nait op tied is toch overal nog steeds :te loat!

 

Mor t geft aiglieks niks hou of je proat

veur het dialect is het nog steeds nait te loat.

En ain ding is zeker , ja , elk en ain wait

joen moekes toal verleer je toch nait!