DE FIEBELDEKWINTEN: GRONINGER / DRENTSE STREEKTAALMUZIEK

 

Smoklaid                   
Der is een nije mode, woar ik al tieden mit zit,
t zel joe ook wel gebeurd weden, want elk dut doar an mit
wie smokken mekoar as gekken, dat is zomor ontstoan
woar komt dat vrumde smokken in vredesnoam vandoan?
Dat drijmoal zogenoamd smokken vind ik bizunder roar
men vlugt mekoar om d'haalze of kennen ze mekoar
geef ik ze din n haand kieken ze mie vrumd aan
en begunt drijmoal te smokken, zai goan der tegenaan...!

  Refr.: Links,rechts links, ze kennen veur mie de pot op mit heur:
           links, rechts, links, ik bak der laiver n echte veur!
           Ik smok dus nog mor ainmoal:
          dat gehap in de lucht,
vind ik ain grode klucht en vreselek roar:
links, rechts links....!

De buren gaven een borrel vanwege t nije hoes
ik kon der hoast gainain en vuilde mie nait toes
want bie het binnenkommen'gong t al glad verkeerd
van wel hebben dij Grunnegers dat rare smokken wel leerd...?
   Refr.:....
Soms goa ik noar n feessie van mensen dij 'k goud ken
den wait ik van te veuren dat ik de sigoar weer ben
ik zai de bui al hangen, doar komt der weer ain aan
drij smokken in de roemte: bie veurdeur of in gaang.
    Refr.: ....
                                                     Tekst:& muziek: Jan Luiken Bos

VERJOARDAG
        Refr.:
Verjoardag, verjoardag, wat n prachtege dag
omdat ik mie weer n joar older nuimen mag
Verjoardag, verjoardag, mor wat n gezoes
hou krieg ik de boudel op tied in hoes.

Wien, bier en frisdrank, wel 17 soorten.
Mocca, kwark, of toch slagroomtoarten
Wat zolts bie de borrel, n hartige beet,
Want elk vindt t ja lekker, aal dat gevreet.
Refr.;
Haile dag runnen, haile dag proaten
En hol ondertied gloazen in de goaten
En as je net zitten den gait weer de bel
Woar ik nait op rekende dij kommen dus wel.
Refr.:
Aal weer n deus buusdouken, aal weer lekker ruuk
En ik heb deus van vleden joar nog in gebruuk
Wat bin ik toch blied mit dij boukenbon
En t spul veur noa t scheren oet dij dikke flacon.
Refr.:
k Verheug mie al weer op t volgende joar
Den zet ik net as nou om zeuven uur stoulen al kloar
Den koop ik weer frisdrank in 17 soorten
En bestel or weer van dijzulfde toarten.
Refr.: laatste regel:
Hou krieg ik dij mensen op tied oet hoes!!

 

                                                                       ( Tekst & muziek: Jan Luiken Bos)

Zoas ik zing en zong
(Love me like a song)

Dien aarms om mien scholder
(mien aarms om mien scholder)
luuster hou mien haart klopt nou.
As van mie wilst hollen
laiverd, ik vertel die hou:

Zoas ik zing en zong
zuver as n melodie,
leer mie aal dien woorden
en zing (zacht) veur mie,
heur de stemmighaid
het ritme en de klank doar bie
aals moar deur, hail tied deur
zoas ik zing en zong

Ik wil dien deuntje weden
(ik wil dien deuntje weden)
den krigst mie nait meer oet de kop.
Doe en ik twijstemmig soamen
mit zingen holve nooit meer op

Zoas ik zing en zong……..
Zing la..la..la.. as in t Engels: Love me like a song

                                   M. ©Kimmie Rhodes& Gary Nicholson --T. Binie & Jan Luiken Bos – jan.2009

            

 

Zolst doe noast mie stoan

Zolst doe noast mie stoan
as het nait wol goan
as ik docht: kom, neem de zörgen weg van mie.
Ik zol noast die stoan
as het nait zol goan
ston din op van mien stee, nam de zörgen weg van die.

As de nachten verstrieken
En de mörn komt kieken
En zien glaans en laifde over t laand loat schienen.
Mist doe dat eerste licht
Deur dien ogen nog dicht
En het mörgenrood in het blauw zel verdwienen.

Stoan wie noast mekoar
In het wat en woar
Onze handen en haarten, lös van bezwoaren
Verdwienen dij zörgen van die
Glid het zwaart veurbie
Begunt de nije dag zachies aan te kloaren

                                                                                       Origineel: “If I needed you” (Townes van Zandt)

                                                                                       Grunn. tekst: Binie Bos-Harms & Jan Luiken Bos ©2013

                Zotterdag
Ik mout mien auto nog wassen,
ik mout nog brandholt kappen,
nog boodschappen doun in Assen
en de roamen nog lappen
Ik heb het hail aarg drok vandoag,
an gang mit boormesien en zoag
niks doun moakt mie maal in d'hoed:
en moandag rust ik mie wel weer oet!
        
        De mooiste dag van d'haile week,
dat is de zotterdag
         omdat ik den, de haile dag,
zo lekker an t knooien mag
         een deurtje vaarven, een stroatje leggen,
o, een floitje van een cent
         n baandje lappen en de ketten smeren:
ik bin de handege vent!
 
        De buurman links en buurman rechts,
dij kom ik tegen op de stort
        de kar vol rommel, gesnuide takken,
ale stroeken dij binnen weer kort
        din weer noar hoes en wieder knooien,
o, het mooiste wat der is
        en s oavends din zo mui as n hond:
onder douche en ik bin weer vris!
                                                                                    Tekst / muziek: Jan Luiken Bos